im Atelier wird gmolt und kläbt

bim Schnider gschnorpft dass s'Kostüm hebt.

Bim Wagebou wird konstruiert

jede Gäg - usprobiert

D'Latärnemoler hei jetz z'tue

mi het's au packt verbi isch d'Ruhe.

Wieder isch's sowit - s'isch Oltner Naarezyt,

i bruch kei grossi Wält - nur Larve, Kostüm und chli Gäld

Obernaar Proklamation

Ildefonds - Demonstration

Am Mittwoch z‘Obe Naarestopf

us de Hodle use – Alltags Mopf.

Am Donschtig z‘Obe i Farbepracht

Clique singe - bis spot i d‘Nacht

Drummler, Pfiffer, Gugge schränze

Schissdräckzögli ohni Gränze.

Wieder isch's sowit - s'isch Oltner Naarezyt,

i bruch kei grossi Wält - nur Larve, Kostüm und chli Gäld

Fritig Morge Cafi Ring

es Gstung, e Druckete - mäng schwäre Gring

Am Mittag suechsch bim Tiger e Platz

und d’Rita bringt öis Suppe mit Spatz.

Am Nomitag den ab uf d'Gass

bim Schariwari - das macht Spass

Am Obig bisch den wieder derbi

bim Latärnefescht und Gratis-FUKO-Wy.

Wieder isch's sowit - s'isch Oltner Naarezyt,

i bruch kei grossi Wält - nur Larve, Kostüm und chli Gäld

Wieder isch's sowit - s'isch Oltner Naarezyt,

i bruch kei grossi Wält - nur Larve, Kostüm und chli Gäld

Wieder isch's sowit - s'isch Oltner Naarezyt,

i bruch kei grossi Wält - nur Larve, Kostüm und chli Gäld

 Roman Clavadetscher alias Clavi 04

Cliquenauftritt  - 1. Zünftigen Sonntag,  27. Februar 2011 im Aarhof in Olten.